समाजको विधान अनुसार नयाँ कार्यसमितिको चयन हरेक 3 बर्षको मार्च महिनाको अन्तिम शनिबार गर्नुपर्नेमा करोना महामारीले गर्दा यस पटकको अधिवेशन समयमा सम्पन्न गर्न सम्भव भएन ।यसर्थ कार्यसमितिको बैठकलेनिर्णय गरेअनुसार छैटौं अधिवेशन तथा 14औं वार्षिक भेला 18 September 2021 शनिबारका दिन गर्ने निर्णय भएको थियो । 17 जुलाई 2021 शनिबारको दिन बसेको कार्यसमितिको भर्चुअल बैठकले श्री ग्यारी घले ज्यु को संयोजकत्वमा चार सदस्यीय निर्वाचन समिति चयन गरिएको थियो ।
चार सदस्यीय निर्वाचन समितिमा :
श्री ग्यारी घले निर्वाचन अधिकृत
श्री मदन गुरुङ (बलराम) निर्वाचन सचिव
श्री बम बहादुर गुरुङ सदस्य
श्रीमती दिल माया गुरुङ सदस्यमा चयन गरिएको छ ।
यहि 18 September 2021 शनिबारको दिन सम्पन्न हुनगईरहेको छैटौ अधिवेशन Godmersham & Crundale Village Hall
Godmersham Canterbury
CT4 7DR Kent मा गर्ने निर्णय भएको छ । उक्त अधिवेशनको लागि निर्वाचन अधिकृत श्री ग्यारी घले ज्यु ले निर्वाचन सम्बन्धी नियमावली प्रकाशन गरिसक्नुभएको छ भने महासचिव श्री मान गुरुङले इमेल मार्फत सबै सदस्यहरुलाई जानकारी गराइसक्नुभएको छ ।
उक्त दिन वर्तमान अध्यक्ष श्री फडक जित गुरुङले सस्थाको पाँचौं कार्यसमिति लाइ औपचारिक कार्यक्रममार्फत विघटन गरी छैटौं नयाँ कार्यसमिति गठनको लागि निर्वाचन समिति लाई जिम्मेवारी दिनु हुनेछ । तत्पश्चात निर्वाचन अधिकृत श्री ग्यारी घले र उहाँको समितिले छैटौं कार्यकालको लागि नयाँ कार्यसमिति चयन गर्नु हुनेछ ।