गोर्खा जिल्ला गुरुङ समाज युकेको १८ औँ वार्षिक भेटघाट कार्यक्रम तथा कलाकारहरु लाई सम्मान तथा विदाई कार्यक्रम भव्य सभ्य रूपमा सम्पन्न भएको छ ।
आइतबार ४ मे २०२५ का दिन हेज इन कम्युनिटी हल हेज लन्डनमा भएको १८औँ वार्षिक भेटघाट कार्यक्रम अध्यक्ष श्री टेकमान गुरुङको अध्यक्षतामा उपाध्यक्ष रिटायर्ड क्याप्टेन श्री शेरबहादुर घोताने गुरुङले सञ्चालन गरेका थिए । समाजको अध्यक्ष श्री टेकमान गुरुङ र संस्थापक अध्यक्ष रिटायर्ड लेफ्टिनेन्ट श्री थम प्रसाद गुरुङले
पानसमा बत्ती बालेर कार्यक्रमको उद्घाटन गरिएको थियो । समाजका अध्यक्ष श्री टेकमान गुरुङले स्वागत मन्तव्य राखेका थिए भने
महासचिव श्री पोष बहादुर गुरुङको अनुपस्थितिमा उपाध्यक्ष क्याप्टेन रिटायर्ड श्री शेरबहादुर घोतानेले २०२४ - २५ को वार्षिक प्रतिवेदन प्रस्तुत गरेका थिए ।
त्यसैगरी कोषाध्यक्ष श्री सरोज गुरुङको अनुपस्थितिमा
सह कोषाध्यक्ष श्रीमती मेशा गुरुङले वार्षिक आयव्ययको प्रतिवेदन प्रस्तुत गरेका थिए । यसै क्रममा संस्थाको लगानीको बारेमा लगानीका ट्रस्टीहरू तथा
संस्थापक अध्यक्ष रिटायर्ड लेफ्टिनेन्ट श्री थम प्रसाद गुरुङ र सल्लाहकार रिटायर्ड क्याप्टेन श्री ग्यारी घलेले उपस्थित सदस्यहरूलाई जानकारी गराइएको थियो । भविष्यमा लगानीको विषयमा सरल तथा फाइदाजनक हिसाबमा समाजका उपाध्यक्ष श्री राजकुमार गुरुङ र सल्लाहकार श्री टकमान गुरुङले आफ्नो विचारहरु व्यक्त गरेका थिए । हरेक तीन सालमा प्रकाशित गर्ने दरौदी थेम्सका संयोजक तथा समाजको सल्लाहकार श्री तुलबहादुर गुरुङले पत्रिकाको विषयमा आफ्नो भनाइहरु राख्नुभएको थियो । गोर्खा जिल्ला गुरुङ समाज युकेको मुखपत्र, वेबसाइटको विषयमा वेब मास्टर श्री हरि गुरुङ (सूर्य) ले
उपस्थित सभा सदस्यहरूलाई हाल भइरहेको विविध विषयहरूमा जानकारी गराएको थियो । सांस्कृतिक संयोजक श्री डेविड गुरुङले युवाहरुको समसामयिक विषय तथा भावी योजनाहरूबारे जानकारी गराइएको थियो ।
कार्यक्रमको दोस्रो चरणमा नेपालबाट आउनुभएका चर्चित गायिका देवी आलेलाई समाजको अध्यक्ष टेकमान गुरुङले खदा र सम्मानपत्रको साथमा स्वागत सम्मान गरिएको थियो । त्यसैगरी हालसालै समाजमा सदस्य बन्नुभएका नयाँ सदस्यहरूलाई पनि अध्यक्ष टेकमान गुरुङले खदा लगाएर स्वागत गरिएको थियो ।
सम्मान गर्ने क्रममा गोर्खा जिल्ला गुरुङ समाज युकेका आजिवन सदस्य श्री मित्र गुरुङ चितवन समाज युकेको अध्यक्षमा नियुक्त हुनुभएकोमा उहाँहरुको दम्पतिलाई खदा र फूलको गुच्छाले सम्मान गरिएको थियो । त्यसैगरी बुद्धिस्ट कम्युनिटी स्वीण्डन युकेको अध्यक्षमा
नियुक्त हुनुभएका समाजका आजीवन सदस्य श्रीमती लक्ष्मी गुरुङलाई पनि खदा र फूलको गुच्छाले सम्मान गरिएको थियो ।
तत्पश्चात् Culture Co ordinator सांस्कृतिक संयोजक श्री डेविड गुरुङले संस्कृति कार्यक्रमको लागि कलाकारहरूलाई मञ्चमा बोलाएर कार्यक्रमको सुरुवात गरेको थिए । सांस्कृतिक कार्यक्रममा गोर्खा जिल्ला गुरुङ गुरुङ समाज युकेको निमन्त्रणमा आउनुभएका गायिका बिमला गुरुङले अत्यन्तै मिठो गीत गाएर सबैलाई मन्त्रमुग्ध गराएका थिए । त्यसैगरी देवी आले र शीतल गुरुङले पनि आफ्नै एल्बममा रहेका मिठा गीतहरु गाएर उपस्थित सम्पूर्ण सदस्यहरूलाई रमाइलो गरी नचाएको थियो । अत्यन्तै मनका धनी गोर्खा जिल्ला
गुरुङ समाज युकेका आमाहरु हातेमालो आमा समूह लण्डनले कलाकारहरुलाई मायाको चिनो स्वरुप खदा फूलको गुच्छा र आर्थिक दान गरेका थिए ।
दिउँला चिनो युके लण्डनको गायक शितल गुरुङले आफ्नो एल्बमका विभिन्न गीतहरु गाएर भरपुर मनोरञ्जन प्रदान गरेका थिए । गायिका देवी आले र बिमला गुरुङले पनि विभिन्न गीतहरू गाएर भरपुर मनोरञ्जन गरिएको थियो ।
अन्तमा समाजका अध्यक्ष श्री टेकमान गुरुङले नेपालबाट आमन्त्रित कलाकार द्वय गायक शितल गुरुङ र गायिका बिमला गुरुङलाई खदा र फूलको गुच्छाले बिदाई गरेको थियो । विदाई पश्चात् गायिका बिमला गुरुङ, शीतल गुरुङ र देवी आलेले आफ्नो भनाइहरु व्यक्त गरेका थिए । कार्यक्रमको संयोजन, समाजको उपाध्यक्ष श्रीमती हिमाल गुरुङको संयोजकत्वमा भएको थियो भने पेय पदार्थहरुको संयोजन लन्डन क्षेत्रीय संयोजक श्री केशोर गुरुङले गरेका थिए । साउन्ड सिस्टममा समाजको सल्लाहकार श्री दिनेश गुरुङ थिए भने कार्यक्रम अवधिभरको फोटो र भिडियो Videographer श्री मनिराज गुरुङले गरेका थिए । कार्यक्रममा BBQ र मिष्ठान्न भोजनको प्रबन्ध गोर्खा दरबार क्याटरिङबाट गरिएको थियो ।
Webmaster Harisurya Gurung
Sunday 4 May 2025