स्थापना पश्चात् हाल सम्म चार जना अध्यक्षहरुले संस्थालाई नेतृत्व दिइसकेका छन । अबको सातौं कार्य समितिको अध्यक्षताको लागि शनिबार ११ मे २०२४ मा सत्रौँ वार्षिक भेटघाट तथा सातौँ महाधिवेशन हुन गइरहेको छ । उत्त महाधिवेशनले सातौं कार्यकालको लागि नयाँ अध्यक्ष तथा कार्यसमिति चयन गर्नेछ ।
उक्त दिनको कार्यक्रम Hayes End Community Kingsway Hayes UB3 2TZ मा बिहानको १० बजेबाट कार्यक्रम सुरु हुने भएको छ । उक्त कार्यक्रममा समाजका सम्पूर्ण सदस्यज्यूहरू उपस्थित भएर कार्यक्रमको शोभा बढाई कार्यक्रमलाई भव्य सभ्य सफल बनाइदिनु हुन छैटौं कार्यसमितिका अध्यक्ष श्री गौतम गुरुङले अनुरोध गर्नुभएको छ । उक्त दिन महाधिवेशनको समापन पछि नेपालबाट आमन्त्रित चर्चित गायक गायिका निर्जला गुरुङ र सविन गुरुङले भरपुर मनोरञ्जन प्रदान गर्ने भएको छ । कार्यक्रमको सम्पूर्ण तयारी अन्तिम अवस्थामा रहेको र समाजका सम्पूर्ण सदस्यहरुलाई उपस्थितिको लागि महासचिव श्री शेर बहादुर गुरुङले अनुरोध गर्नुभएको छ ।