तमु (गुरुङ)हरुको महान चाड पुषे १५ यस वर्ष पर्न गएको सप्रि ल्हो लाई विदाई गर्दै त ल्हो लाई स्वागत गरी मनाइने ल्होछार कार्यक्रम अध्यक्ष श्री टेकमान गुरुङको अध्यक्षतामा आयोजित ल्होछार कार्यक्रम शुक्रबार २६ डिसेम्बर २०२५ का दिन Empiral Hall Aldershort मा आयोजना गरिएको थियो । समाजका महासचिव समीर गुरुङ द्वारा कार्यक्रम सञ्चालन गरिएको थियो । कार्यक्रम सञ्चालन गर्नुअघि महासचिव द्वारा स्वास्थ्य र सुरक्षा सम्बन्धी जानकारी जानकारी गराइएको थियो । उपाध्यक्ष क्या री शेर बहादुर गुरुङले कार्यक्रममा उपस्थित अतिथिहरु र सम्पूर्ण सदस्यहरुलाई हार्दिक स्वागत गर्दै समाजको बारेमा विशेष मन्तव्य राखिएको थियो ।
परशु राम गुरुङ, लमजुङ समाज युकेका अध्यक्ष पूर्णराज गुरुङ र गोरखाली समाज युकेका अध्यक्ष हेम कुमार गुरुङको उपस्थिति रहेको थियो ।
समाजका संस्थापक अध्यक्ष श्री थम प्रसाद गुरुङ, वर्तमान अध्यक्ष श्री टेकमान गुरुङ,अतिथि गायिका तथा धार्चे गाउँपालिकाका उपाध्यक्ष सुनिला गुरुङ र एफसीए आमा समूहकी अध्यक्ष श्रीमती देउ माया गुरुङले संयुक्त रुपमा पानसमा बत्ती बालेर कार्यक्रमको उद्घाटन गरिएको थियो ।
गोरखा जिल्ला गुरुङ समाज युकेका अध्यक्ष श्री टेकमान गुरुङ द्वारा उपस्थित अतिथि लगायत सम्पूर्ण सदस्यहरूलाई ल्होछार/ल्होसारको शुभकामना व्यक्त गर्नु भएको थियो । त ल्हो ल्होछार कार्यक्रम सम्पन्न गर्न खट्नु भएका कार्यसमितिका सम्पूर्ण सदस्यहरु क्षेत्रीय प्रतिनिधिहरु, एफसीए क्षेत्रीय प्रतिनिधि र आमा समूह लाई विशेष धन्यवाद व्यक्त गरिएको थियो ।
समाजको सम्पूर्ण सदस्यहरुको ग्रह शान्तिको लागि समाजका आजीवन सदस्य श्री गुरु लामा काजी गुरुङ द्वारा ग्रह शान्ति पूजा गरी कार्यक्रमको थलानी गरिएको थियो ।कार्यक्रममा बेलायती सैनिकमा पदोन्नति भएका र विभिन्न विषयहरुमा ब्याचलर डिग्री र मास्टर डिग्री गर्ने विद्यार्थी छोराछोरीहरु लाई समाजका अध्यक्ष बाट खदा लगाएर बधाईको साथमा सम्मान गरिएको थियो ।
संस्कृतिक कार्यक्रममा सांस्कृतिक टिम र महासचिव समीर गुरुङले सञ्चालन गरेका थिए । जेनी गुरुङ र सुक बहादुर गुरुङले अत्यन्तै सुन्दर नाचको प्रस्तुति दिएका थिए । एफसीए क्षेत्रबाट गुरुङ संस्कृतिको धरोहर लोप हुने अवस्थाको सोरठी नाच अत्यन्तै रोचक शैलीमा प्रस्तुत गरिएको थियो । जसमा सुवाष गुरुङ, अनिल गुरुङ, रेशम गुरुङ, मान गुरुङ, ध्रुव गुरुङ, मिन गुरुङ, नारायण गुरुङ, सन्तोष गुरुङ, देव गुरुङ र राम गुरुङको संयुक्त टिम रहेको थियो ।
जेनिसा गुरुङ र युकी गुरुङले ङै नासरी बोलको गुरुङ भाषाको गीतमा नाच प्रस्तुत गर्न दर्शक दीर्घबाट तालीको वर्षा भएको थियो । त्यसैगरी एन्जेल गुरुङले रेशम बोलको गीतमा मिठो प्रस्तुति दिएका थिए । सविता घले र निलु गुरुङले
ङयोल माया हो हिरा मोती बोलको गीतमा सुन्दर नाचको प्रस्तुति गरेका थिए । यसैगरी एफसीए आमा समूहले अहिलेको चर्चित गायक मौसम गुरुङको मायालुलाई हङकङको चिनो बोलको गीतमा उत्कृष्ट नाच प्रस्तुत गरिएको थियो । उक्त बोलको गीतमा आशा गुरुङ, गङ्गा गुरुङ, टिका गुरुङ र जुना गुरुङले सुन्दर नृत्य प्रस्तुत गरेका थिए ।
केन्ट क्षेत्रबाट मोडारी म्रोबा बोलको गुरुङ गीतमा सोनिया गुरुङ, सुजु गुरुङ, एलिना गुरुङ र जस्मिन गुरुङले अत्यन्त उत्कृष्ट नाच प्रस्तुत गरिएको थियो । यसैगरी ए ङोल्स्यो ए ङोल्स्यो बोलको गुरुङ गीतमा एम कुमारी गुरुङले उत्कृष्ट एकल नृत्य प्रस्तुत गरिएको थियो । मुस्कुराउँदै हेर्ने उनीलाई बोलको गीतमा चुनु गुरुङ र गुराँस गुरुङले मिठो नृत्य प्रस्तुत गरिएको थियो । माछी दाई रिमिक्स बोलको गीतमा आस्मा र निलु गुरुङको प्रस्तुति रहेको थियो । त्यसैगरी गलबन्दी चिनो बोलको गीतमा जिना गुरुङ र सुप्रिम गुरुङले सुन्दर नृत्य प्रस्तुत गरेका थिए । मखमली बोलको गीतमा सोनिया गुरुङ, सुजु गुरुङ, एलिना गुरुङ र जस्मिन गुरुङले अत्यन्तै सुन्दर नाच प्रस्तुत गरेको थियो । यसैगरी चाइनोजो जिन्दगानीमा र गुरुङ रिमिक्स गीतमा सुजन गुरुङ, सुजु गुरुङ, रिदिमा गुरुङ र प्राश्ना गुरुङले सुन्दर नृत्य प्रस्तुत गरेका थिए । यस वर्षको सांस्कृतिक नृत्यमा एउटा राम्रो पक्ष भनेको धेरैजसो तमु भाषाको गीतमा नृत्य प्रस्तुत भएको थियो । यो एकदमै खुसीको कुरा हो, जसलाई निरन्तरता दिन जरुरी छ ।
स्थानीय कलाकारहरुको सुन्दर नृत्यपछि नेपालबाट आमन्त्रण गरिएको चर्चित गायक मौसम गुरुङ र सुनिला गुरुङले अत्यन्तै मिठो गीतहरु प्रस्तुत गरिएको थियो ।
मौसम गुरुङले प्रस्तुत गरेको गीतहरु मध्येमा मायालुलाई हङकङको चिनो बोलको गीतमा दर्शक दीर्घबाट वान्स मोरको आवाज गुन्जिएकोले पुन यो गीतलाई प्रस्तुत गरिएको थियो । चर्चित गायिका सुनिला गुरुङले, बुद्धभूमि बोलको गीत र मत चेली उत्तरी गोर्खाको गीत गाएर भरपुर मनोरञ्जन प्रदान गरिएको थियो ।
कार्यक्रमको सुरु देखि अन्तसम्ममा रिसेप्सन, टिकेटिङमा आर्थिक कारोबारको लागि अत्यन्तै जिम्मेवार पदमा रहेका कोषाध्यक्ष श्रीमती मेशा गुरुङ दम्पतिले व्यवस्थापन गरिएको थियो । यसैगरी डिनर सरभमा एफसीए प्रतिनिधि सदस्य हेम कुमार गुरुङ र ल्याप गुरुङले कार्यक्रमको सुरुदेखि अन्त्य सम्म व्यवस्थापन गरेका थिए । कार्यक्रमको सुरुदेखि अन्त्यसम्म photographer मा सूर्य मान गुरुङ र भिडियोग्राफरमा मनि राज गुरुङले जिम्मेवारी बहन गरिएको थियो । DMT Band का संयोजक दिनेश गुरुङले कार्यक्रम अवधिभर साउन्ड सिस्टमको व्यवस्थापन गरिएको थियो ।
नेपाल बाट आमन्त्रित चर्चित गायक मौसम गुरुङ र गायिका सुनिला गुरुङलाई सल्लाहकार निरराज गुरुङले खदा लगाई धन्यवाद ज्ञापन गरिएको थियो । सम्मान गर्ने क्रममा संस्थाको स्थापना काल देखि हालसम्म वेबसाइट व्यवस्थापन र प्रकाशन गर्दै आइरहेकोमा वेब मास्टर हरि गुरुङ (सूर्य) लाई संस्थाको अध्यक्ष श्री टेकमान गुरुङले फेटा र खदा लगाएर सम्मान गरिएको थियो । यसैगरी लामो समयसम्म Photographer को भूमिका निभाउँदै आइरहेको सूर्य मान गुरुङ र भिडियो र फोटोग्राफरमा लामो समय निरन्तर योगदान दिँदै आइरहेको मनि राज गुरुङलाई पनि समाजका अध्यक्षबाट फेटा लगाएर सम्मान गरिएको थियो । त्यसैगरी DMT ब्यान्डका संयोजक तथा सांस्कृतिक सल्लाहकार दिनेश गुरुङलाई पनि अध्यक्ष द्वारा खदा लगाएर सम्मान गरिएको थियो । हल व्यवस्थापन र क्याटरिङको बन्दोबस्तको लागि Empire Hall Aldershot का प्रोप्राइटर पुरण गिरी लाई अध्यक्ष द्वारा विशेष धन्यवाद व्यक्त गरिएको थियो ।
कार्यक्रमको अन्तमा यस त ल्हो ल्होछार कार्यक्रमको प्रमुख संयोजक तथा संस्थाका उपाध्यक्ष श्री राज कुमार गुरुङले कार्यक्रम सफल बनाउनमा सहयोग गर्नुहुने
कार्यसमिति सदस्यहरु लगायत सबै क्षेत्रका क्षेत्रीय प्रतिनिधिहरु र उपस्थित सम्पूर्णलाई हार्दिक धन्यवाद व्यक्त गर्दै अर्को वर्ष पनि यसरी नै लोसार कार्यक्रम भव्य रुपमा मनाउने प्रण गर्दै कार्यक्रम अन्त भएको घोषणा गरिएको थियो ।